Tabal reyna sa 3rd SM2SM Run

CEBU, Philippines - Migawas na usab nga mananaug ang produkto sa Southwestern University (SWU) nga si Mary Joy Tabal sa 21k premier division sa  3rd SM2SM Run kagahapon didto sa SM City-Cebu grounds.

Si Tabal mitapos sa lumba sud sa usa ka oras ug 24 minutos aron makuha ang kampiyonato batok nila ni Jennylen Nobleza (1:30:59) ug Kenyan Patrober Kemboi (1:41:08) sa ikaduha ug ikatulong dapit.

Sa pikas bahin, ang Cebu City Marathon champion nga si Willy Rotich maoy nanghawud sa men’s class human niya gihuman ang lumba sud sa usa  ka oras ug 10 minutos. Nagsunod kaniya ang iyang kababayan nga si Eliud Kering sa oras nga 1:10:28. Migawas nga third placer si Jason Agravante sa oras nga 1:12:38.

Midaog sa 12k run sila si Kenyan Philip Ronoh ug Lovely Fe Andrin, samtang sila si  Joel Kembol  ug Cherry Andrin ang nanghawud sa 6k run. 

 

 

Show comments