Solid Stone, F-5 Francinne nagsawo liderato sa LLSC

CEBU, Philippines -  Kasamtangan karon nagsawo sa liderato ang Solid  Stone ug F-5  Francinne Lou human sa ilang kadaugan

batok sa tagsa-tagsa nilang kaatbang sa Lapu-Lapu Sports Club (LLSC) Fiesta  Conference niadtong Lunes sa gabii didto

sa  Agus gym, dakbayan sa Lapu-Lapu.

 Ang Solid Stone yano kaayong miposte og daog pinaagi sa pagtagod-tagod sa Solmeat, 93-77, samtang ang

F-5 Francinne Lou mipilde sa Igot Trucking sa iskor nga 94-87.

 Ang kadaugan nagtukmod sa Solid Stone ni Roy Genolos ug sa F-5 Francinne Lou ni Dondon Singco ngadto

sa unang dapit sa standing sa managsama nilang 3-0 win-loss records.

 Sayong nakapanemaho og daog ang  Solid Stone dihang milansang kini og 16 puntos nga labaw sa first period,

26-10 sa kombinasyon nilang Nilo Bentain ug Joel Encallado. Si Bentain maoy highest pointer sa kadaugan nga mikutlo og

21 puntos, samtang si Encallado adunay 20 puntos.

 Ang kanhi SWU Cobra nga si Jorge Dayak ug Roel Godinez parehong mitikdol og 13 puntos  alang sa ilang

ikatulong sunod-sunod nga daog.

 Si Rene Daño maoy nangu sa pilderong Solmeat nga mibugha og 18 puntos.

 Sa laing bahin, ang kanhi USPF Panther nga si Sherwin Candelada miratsada og 24 puntos aron pangulohan

ang F-5 Francinne Lou, gisundan ni ex-USJR Jaguar Josak Arong nga adunay 18 puntos, samtang sila si Raul Damolo ug

Neil Belga nagkumboya og 21 puntos.

 Ang Igot Trucking nga wala pa makatilaw og daog sud sa duha ka duwa gipangulohan ni Jay Igot nga mihakot

og  28 puntos. Si Allan Sepe miariya og 22 puntos, samtang si Rey Heyrosa miratsada og 17 puntos sa maong kadaugan. (BANAT NEWS)

PUNTOS MATAG USA

Unang duwa:

 SOLID STONE (93) - Bentain 21, Encallado 20, Godinez 13, Dayak 13, Kiskisan 5, Genolos 4, Basea 4,

Duran 4, Bascon 3, Gimena 3, Amodia 2, Cañete 1

 SOLMEAT (77) - Daño 18, Cuizon 11, Igot 10, Larasaga 10, Tampus 6, Dayondon 5, Buot 5, Paquibot 4,

Dona 4, Villaceran 2, Bascon 2

Ikaduhang duwa:

 F-5 FRANCINNE (94) - Candilada 24, Arong 18, Damolo 11, Belga 10, Hesalta 6, Sandal 6, Bancale 6,

Oyao 3, Velasquez 3, Singco 3, Guevarra 2, Tejano 2

 IGOT TRUCKING (87) - Igot 28, Sepe, 22, Herosa 17, Vegara 7, Pardillo 6, Oyao 4, Aparente 3