Alpha nakalingkawas sa double overtime

CEBU, Philippines -  Gipilde sa team Alpha ang mas lig-on nga Delta team pinaagi  sa double overtime, 94-91    sa Center Katipunan A. Lopez Christian Organization (CEKALCO) 2013 second season basketball tournament niadtong Biyernes didto sa  A. Lopez open court sa Labangon.

 Gipangulohan ni Danny Desoyo ang Alpha human siya mibahog og 23 puntos, 11 niini   gikan sa first period aron sila moposte’g 19-11 nga labaw sa maong kuwarter.

 Nahitabo ang unang overtime sa iskor, 67-all dihang ang Delta ni Roland 'El Presidente' Sameon mihimo'g scoring rally sa pagpangulo nilang Randy Damulo ug Arthur Acosta.

 Ang duha ka koponan parehong miiskor og 10 puntos   pagtapos sa dugang singko minutos ug nagtabla pag-usab, 77-all hinungdan sa ikaduhang overtime.

 Silang Desoyo ug Dondon Yap maoy nangu sa Alpha sa ilang 23 ug 22 puntos matag usa. Samtang ang pilderong Delta gipangulohan ni  Damulo nga mihakot og 32 puntos, gisundan ni Arthur Acosta sa iyang 15 puntos.

 Sa laing duwa, midaog usab ang Bravo pinaagi sa paglubong sa Echo sa iskor nga 80-66.

 Si Philip Nacar mihipos og 26 puntos ug si Fritz Desoyo adunay  23 puntos alang sa Bravo.

 Sila si  Donald Catong ug Ruel Dacuyan mao sab ang mga topscorer sa Echo nga adunay 33 ug 23 puntos matag usa.

PUNTOS MATAG USA

 ALPHA (94) - D. Desoyo 23, Yap 22, Despi 14, Beltran 13, Templa 8, Navares 6, Billiones 4, Lawrence 2, Cabalda 2

 DELTA (91) - Damulo 33, Acosta 15, Sinag 14, Estrada 11, Gutierez 10, Gonzaga 6, Ho 2, Dumduma 2

Ikaduhang duwa:

 BRAVO (106) - Nacar 26, F. Desoyo 23, Maspiñas 18, Codilla 17, Castro 8, Tenchavez 6, Arnaiz 6, Perino 2

 ECHO (87) - Catong 33, Dacuyan 23, Solana 14, Dianon 7, Romariz 7, Macalisang 3 (BANAT SPORTS)