Broner nangulata na usab

Subling gipakita ni undefeated American champion Adrien Broner nga siya sumusunod nga boxing superstar dihang iyang gipaundang sa fifth round si Gavin Rees.

Si Broner kinsa wa pay pilde sud sa 25 ka away, diin 21 niini gikan sa knockout midepensa sa iyang WBC lightweight title. (LPM)

Jordan, James nagtinubagay

Padayun ang pagbinayloay og tirada nila ni NBA legend Michael Jordan ug reigning MVP LeBron James sa media kabahin sa isyu sa kun kinsa nila ni James ug Kobe Bryant ang mas ngilngig.

Si Jordan unang miingon nga mas maayo pa si Bryant itandi ni James kinsa dali usab nga mikompara ni Jordan ngadto sa laing NBA legend nga si Bill Russell kinsa maoy adunay labing daghan nga kampiyonato sa NBA. (LPM)

Bowles sugod nag ensayo

Mouban na sa team practice uban sa San Mig Coffee Mixers ang reigning 'Best Import' nga si Denzel Bowles kinsa moduwa uban sa koponan sa Biyernes batok sa Rain or Shine.

Si Bowles moduwa pagbalik sa San Mig Coffee kinsa mipalagpot sa una nilang import nga si Matt Rogers kinsa pakyas paghatag kanila og daog. (LPM)