Andrin, Carolino nidominar sa PCGS Fun Run

CEBU, Philippines -  Gidominar ni Cebuano teen running sensation Lovely Fe Andrin ug ni Joebert Carolino ang tagsa-tagsa  nila  ka  dibisyon sa  Philippine Christian Gospel School (PCGS) Fun Run kagahapon didto sa PCGS ground sa  dalan Junquera, ning siyudad.

 Si Andrin maoy nidominar sa 12K  women's division sa oras nga 1:00.18. Gipilde niya ang beteranang si Christy Tutor nga mioras og 1:00.20, samtang ang manghod ni Lovely Fe nga si Cherry miokupar sa ikatulo sa oras nga 1:02.36.

 Sa iyang bahin, si Carolino maoy naghari sa 12K men’s division sa oras nga 41:42, gisundan nila ni John Philip Duenas (41:57) ug Michael Largo (42:40) nga miangkon sa ikaduha ug ikatulong dapit.

 Ang garbo sa Southwestern University  (SWU) nga si Mary Joy Tabal maoy nanghawod sa 6K division sa oras nga 23:55. Silang  Claire Rey Racho (31:20) ug Mariter Del Rosario (38:33) maoy miokupar sa mosunod nga duha ka luna.

 Ang top three sa 6K male's class mao sila si  Robert Daang (20:29), Joel Delposo (20:53) ug Karl Le (28:10).

 Nanghawod sa 3K open mao sila si Jhean Andrin (12:34) ug Jorry Ycong (10:13).  (BANAT NEWS)