Import sa SanMig duwa na
CEBU, Philippines - Moduwa na ang import sa San Mig Coffee Mixers nga si Matt Rogers ug daku ang pagsalig sa koponan nga makuha nila ang unang daog sa 2013 PBA Commissioner's Cup karong adlawa.
Ang San Mig nasugamak sa ilang opener batok sa Barako Bull Energy Drink sa miaging semana apan wala moduwa si Rogers, kinsa gidala sa tambalanan dihang nahilo kini sa iyang gikaon.
Ang reigning Commissioner’s Cup champion nga San Mig Coffee moharong sa Petron Blaze Boosters karong alas-7:30 sa gabii human sa duwa tali sa Alaska Aces ug Meralco Bolts sa alas-5 sa hapon.
"Our import, who ran into some bad luck and some bad food, will be available this time around and we’ll get a chance to see where we are at this point," matud pa ni San Mig Coffee coach Tim Cone sa InterAKTV.
Sa ilang bahin, ang Petron andam usab mobabag sa dautang tuyo sa San Mig tungod kay tinguha usab nila nga mosakmit sa una nilang daog human mapilde ngadto sa Global Port Batang Pier sa ilang opening game. (BANAT NEWS)
- Latest
