CEBU, Philippines - Mopakita sa ilang tagsa-tagsa ka abilidad ang mga batan-ong magduduwa nga nisalmot sa Seaoil National Basketball Training Center (NBTC) Elite League sa ipahigayong Cebu City All-Star Game karong hapon didto sa City Sports Club Cebu gym sa Cebu Business Park.
Ang Dark vs. Light All-Star game sugdan sa alas-5 sa hapon.
Ang Dark Team gilangkuban sa mga magduduwa sa NBTC Cebu City three-peat champions Sacred Heart School-Ateneo de Cebu (SHS-AdC) Magis Eagles nga gipangulohan ni Finals MVP Arc Gabriel Araw-araw uban sa iyang teammates nga silang Rendell Senining, Hynric Dawn Ochea, Jorin Cercado ug Felixberto Jaboneta. Michael Balankig, Edmundo Bayhonan, Cris Dominic Yap, Mark Vincent Berdera ug John Julius David Zosa sa Cebu Eastern College (CEC) Dragons, Paul Desiderio ug Leonard Santillan sa University of the Visayas (UV) Baby Lancers, Jude Bulan ug Juneou Antigua sa University of San Carlos (USC) North Campus Baby Warriors ug Dominic Estremos sa University of Southern Philippines Foundation (USPF) Baby Panthers.
Samtang sa Light mao silang Fletcher Galvez, Jair Igna ug Miguel Competente sa SHS-AdC Magis Eagles,
Ralph Dinoal sa UV Baby Lancers, Alfonso Alvizo, Marck Bacho ug Shann Christopher Tan sa CEC Dragons, Dolan Adlawan, Lorenzo Piad, Clint Suelto ug Kini Osabel sa USC-North, Carlo Oretga sa USC-South, Jeanray Tejam sa Philippine Christian Gospel School ug silang Dirky Ruano ug Winston Bolivar sa USPF Baby Panthers.
Matud pa ni NBTC Visayas Territory Head Rommel Rasmo nga ang mga player nga mapilian ni NBTC Cebu City commissioner Al Solis ipadala ngadto sa Manila alang sa National All-Star Game sa Marso 3. (BANAT SPORTS)