Nagpa-presyo

 Daghan kaayong hisgutan kabahin sa atong mga paboritong matang sa paugnat sa kusog. Usa na niini ang

pagsibog ni Mexican champ Juan Manuel Marquez sa ikalima unta nilang panagsangka ni Manny Pacquiao.

 Si Pacquiao nakatulog sa ikaunom nga round nga gihulagway sa mga boxing experts nga well timed ug well-set

nga kumo. Tungod niini daw napamatud-an ni Marquez nga mas maayong laki gyud siya kun itandi ni Pacquiao.

 Kung akoy pangutan-on, mas motuo ko nga gusto lang magpa-presyo si Marquez, kay bisan sa katapusan

nilang sangka diin siya maoy midaog sa usa ka dili makalimtang pag-knockout niya kang Pacquiao, gamay ra siya'g

nadawat nga kita o share.

 Karong siya maoy giapas sa kampo ni Pacquiao, may katungod na siyang magpa-presyo ug alang nako okey

ra ni kay siya may nakapabor karon. Dihang siya pay nanghangyo kang Pacquiao okey ra daw niya nga mas gamay og

dawaton kay dungog lagi ang iyang giapas, dili kuwarta.

 Sa ato pa, nimahal na karon ang iyang dungog nga napildi niya si Pacquiao. Busa makapaugat siya sa iyang

gusto. Well, iyaha sab na.

* * *

 Atong paabuton usab kining bag-ong batos ni Hall Famer boxing trainer Freddie Roach nga si two-time gold

medalist Chinese Olympian nga si Zou Shimin.

 Matud pa ni Roach iyang nakita kang Zou kalibre sa batan-ong si Pacquiao. Si Zou nagsugod na'g training sa

Wild Card Gym ni Roach ning semanaha.  Sumala pa nga paspas og kumo ug kilas sa footwork si Zou susama ni

Pacquiao. Apan posibleng dili kini makaparehas sa "knockout power" ni Pacquiao.

 Sa pagka tinuod alang nako walay kaparehas si Pacquiao. Maybe mohimo og kaugalingong legasiya si Zou sa

iyang panahon. Ambot lang, ato unang tan-awon ang una niyang professional fight.

* * *

 Ang Philippine Azkals midaog sa Myanmar sa ilang uwahing friendly match, 1-0  didto sa teritoryo sa mga

Burmese.

 Bisan usa lang ka friendly match, atong hinumduman nga teritoryo kadto sa mga kontra maong dili sayon ang

pagkuha og daog.

* * *

 PAGTULON-AN: Ang tiguwang nga di makamaong modala sa kabatan-onan susama sa usa ka tuod nga

kawayan nga tungod sa kabaliko niini wala nay gamit aron gamitong poste.

* * *

 PAHIBALO: Ang Alpha Sigma Omega International Service Fraternity Inc. mopahigayon sa ika-37  nga

anibersaryo karong Pebrero 16 ug 17 diha sa Guanzon Beach Resort (atbang sa Star Oil gas station) sa barangay Langtad,

siyudad sa Naga, Cebu.

 Ang registration P200-P300 sa mga GSAC; ug dugang P100 sa magdala og bisita. Gipahibalo usab ang matag

chapters sa pagdala og mga pagkaon og tubig. Alang sa dugang mga detalye, kontaka lang ang National Board Members

and GSAC Officers.