CEBU, Philippines - Ang halapad nga kasinatian ug kahingkod maoy gihimong gabayan ni Jusabelle Brillo aron mahimong labing
unang “Queen of the Beach†pinaagi sa Sinulog Cup Beach Volley didto sa bag-ong nahuman nga sandcourts sa Fort San
Pedro.
Medyo naglisud si Brillo pagsugod tungod kay wala kaayo siya makasugat og seryoso nga indigay sukad sa
iyang pag-apil og torneyo didto sa Siargao Island tulo na ka bulan ang milabay.
Bisan pa’g naglisud, ang Sugbuanang atleta ug third year BS Criminology student sa University of the Visayas
(UV) nakamaneho sa pagkapyot sa ikaupat nga dapit paghuman sa qualifying round.
Sa playoffs, nanginit si Brillo ug mitagsa-tagsa’g pilde sa iyang mga kaatbang aron moposte’g perpektong 168
points.
Sa iyang katapusang duwa, si Brillo, nakigpares ni Danika Gendrauli pagpukan ni Erika Verano ug laing
magduduwa gikan sa Southwestern University (SWU).
"I’m so thankful that I won. It’s like an advance birthday gift for myself. I also want to dedicate this victory to
UV for still giving me scholarship," matud pa ni Brillo, kanhi miyembro sa Philippine team.
Si Verano mitapos sa ikaduha sa overall, samtang si Gendrauli mipuwesto sa ikatulo, gisundan ni Zusette
Panis.
Sa miaging semana, si Jonkey Sasing maoy midaog isip “King of the Beach†human makakuha og perpektong
168 points. (BANAT NEWS)