Mahitabo karon ang giatangan nga ‘rematch’ tali nila ni Ultimate Fighting Championship (UFC) heavyweight king Junior Dos Santos ug Mexican-American Cain Velasquez.
Ang sangka tali sa duha ka Mixed Martial Arts (MMA) superstars maoy main-event sa UFC 155 didto sa MGM Arena sa Las Vegas. (LPM)
Nietes moaway sa Pebrero 2
Gihikay na karon ang detalye alang sa come-back fight ni ALA Boxing Gym champion Donnie Nietes kinsa modepensa sa iyang WBO light flyweight title sa Pebrero 2.
Si Nietes gikataho nga makigsangka sa Mexican minimumweight champion nga si Moises Fuentes nga posibleng mahitabo dinhi sa Sugbo. (LPM)
Kampo ni Cuello di mabayran
Giyam-iran sa manager ug trainer ni Pinoy minimum weight contender Denver Cuello nga si Aljoe Jaro ang tanyag nga $100,000 aron dili lang una moaway ang iyang batos alang sa world title.
Mismo ang kampo ni WBC champion Xiong Zhao Zhong ang mitanyag sa maong salapi aron dili lang una mosuway pag-ilog sa ilang bakus si Cuello. (LPM)
Mares mosaka nalang og timbang
Kun dili gyud mahitabo ang ilang block-buster fight ni Nonito Donaire, nagplano nalang si Mexican champion Abner Mares nga mosaka sa featherweight division.
Si Mares kinsa maoy nagkupot sa WBC super bantamweight title gusto og unification bout batok ni WBO champion Donaire. (LPM)