Ken 5 misakmit sa korona

CEBU, Philippines -   Ang Ken squad ni coach Leo Lacanglacang milubong sa D’Champ, 83-72  aron sakmiton ang kampiyonato sa

2012 Ken Taxi  Drivers’ Inter-color Christmas basketball tournament   niadtong Biyernes sa gabii didto sa Tabunok Sports

Complex sa Talisay.
 Sikit ang aksiyon sa unang-duha ka kuwarter ug gani  nagtabla ang iskor sa halftime, 34-all.
 Misugod og ratsada ang  Ken sa third period pinaagi sa hait nilang opensa ug hugot nga depensa nga

gipasiugdahan nilang Buddy Amante ug ni Rex Gilbuena aron moposte og 55-52 nga bentaha sa fourth quarter. Hinay-hinay

nga giinat ang labaw dayon na pagkulit og daog.
 Ang hot-shot nga si Allan Cabrera mirehistro og game-high 30 puntos aron pangulohan ang Ken,   si Rolly

Dablo miamot og 25 puntos.
 Ang D’Champ gipangulohan nilang Goy Gascon ug Rick Jumarito nga nagkumboya og 34 puntos.
 Sa sayo pa, nasakmit sa Challengers ang ikatulong puwesto human ilang gipukan ang Ken Assassin, 93-82 sa

pagpangulo ni Roy Martinez, kinsa miposte og 30 puntos.
 Miabag sab silang Joel Labuca ug Fely Zafra nga miabuno og 15 puntos matag usa, samtang  Rey Pitogo ug

Wene Ensalado nagkumboya'g 26 puntos.
 Sila si Ray Abajon ug Cito Alegado maoy nangu sa  Ken Assasin sa ilang 26 ug 16 puntos matag usa.  Sila si

Nito Alcantara, Eddie Honrada ug Gerry Gioca miiskor sab og double figures alang sa Ken Assasin.

PUNTOS MATAG USA

Unang duwa:
 CHALLENGER (93) - Martinez 30, Labuca 15, Zafra 15, Pitogo 14, Ensalada 12, Barrios 7
 ASSASIN (82) - Abajon 26, Alegado 16, Alcantara 15, Honrada 14, Gioca 11
Ikaduhang duwa:
 KEN (83) - A. Cabrera 30, Dablo 25, Gilbuela 9, Amante 9, Ewican 3, Trujillo 2, Perida 2, Ganito 2, R.

Cabrera 1
  D’CHAMP (72) - Gascon 20, R. Jumarito 14, Vitualla 7, Taberos 7, J. Jumarito 7, Solis 5, Frias 3, Saljedan

3, Aragon 3, Aragon 3  (BANAT NEWS)