Hotel, Delta naka-iskor na sab sa CEKALCO caging
CEBU, Philippines - Midaog na sab ang team Hotel ubos sa ilang skipper nga si Kelvin Cinco batok sa Alpha team, 99-94 sa 2nd season sa Center Katipunan A. Lopez Christian Organization (CEKALCO) 2012 basketball tournament didto sa sitio A. Lopez open court sa barangay Labangon, ning dakbayan.
Sa laing duwa, midaog sab ang Delta team ni CEKALCO president Roland Sameon batok sa Echo team, 99-96 alang sa ilang 3-1 nga baraha.
Nagtabla ang duha paghuman sa first period, 26-all, apan kalit lang nagmangtas ang Alpha sa second period diin mihimo sila’g 19-9 run aron molabaw og 10 puntos sa halftime, 45-35.
Mibukal sab ang kainit sa Hotel sa third period ug mipahungaw kini'g 40-25 run sa pagtimon ni Cinco, kinsa mipabuto og 21 puntos sud lang sa maong kuwarter. Siya sab ang topscorer sa maong kadaugan sa iyang 47 puntos.
Daku sab og natabang si Dennis Saceda, kinsa mipabuto og 22 puntos alang sa Hotel nga temporaryong nag-una sa standing sa ilang 4-1 nga baraha.
Sa laing duwa, walay nakapiog sa mainitong tandem nilang Julius Gutierez ug Arthur Acosta sa ilang pagpasiugda'g 31-17 run alang sa Delta.
Nailog unta sa Echo ang labaw sa fourth period, 77-71, apan milusad og laing rally ang Delta aron hingpit makaipsot.
Gipangulohan ni Gutierez ang Delta pinaagi sa iyang 41 puntos, samtang sila si Arthur Acosta ug Bebong Estrada nagkumboya og 36 puntos.
Ang Echo gipangulohan ni Donald Catong, kinsa miburak og 28 puntos, gisundan ni Jimbo Villarosa sa iyang 21 puntos. (BANAT NEWS)
PUNTOS MATAG USA
Unang duwa:
DELTA (99) - Gutierez 41, Acosta 20, Estrada 16, Sinag 6, Sameon 6, Gonzaga 4, Dumduma 4, Ho 2
ECHO (96) - Catong 28, Ji. Villarosa 21, Solana 16, Romariz 9, Macalisang 7, Lanticse 4, Yamoay 4, Petracorta 4, Ja. Desoyo 3
Ikaduhang duwa:
HOTEL (99) - Cinco 47, Saceda 22, Dosal 12, Valderama 7, Tautho 6, Navarez 3, Escolar 2.
ALPHA (94) - Beltran 21, Arong 14, Navarez 14, D. Desoyo 12, Despi 10, Templa 10, Tabasa 6, Billiones 4, Cabalda 2, Lawrene 1
- Latest
