Delta mikulit unang daog sa CEKALCO

CEBU, Philippines -  Gilubong sa team Delta ni Roland 'El Presidente' Sameon ang Alpha, 108-72 alang sa ilang unang daog sa 2nd Center Katipunan A. Lopez Christian Organization (CEKALCO) 2012 Christmas League sa miaging gabii didto sa  A. Lopez open court sa Labangon, Cebu City.

Sa sayo pa, ang Echo ni skipper Nelson Solano mipukan sa Bravo, 90-84 alang sa ikaduha nilang daog.

Wala kapugngi ang Delta sa pagpabuhagay og mga puntos diin mihimo kini'g 41-16 run aron moposte og 33 puntos nga labaw sa halftime, 63-30.

Ang mainitong rally gipangulohan ni Junel Villarosa, kinsa miposa og 37 puntos.  Sila si Randy Damulo ug Art Acosta  miiskor og 16 ug 12 puntos matag usa.

Ang Alpha gipangulohan nilang Kenneth Beltran ug Danny Desoyo nga nagkumboya og 40 puntos.

Sa laing duwa, ang trio nilang Donald Catong, Jimbo Villarosa ug Solana maoy responsable sa paghimo og krusyal nga mga puntos  aron makaipsot ang Echo.  (BANAT NEWS)

PUNTOS MATAG USA

Unang duwa:

DELTA (108) - J. Villarosa 37, Damulo 16, Acosta 12, Estrada 8, Gutierez 8, Catigtig 6, Genon 5, Sameon 5, Gonzaga 5, Sinag 4, Dumduma 2

 ALPHA (72) - Beltran 21, D. Desoyo 19, Salaber 8, Templa 8, Arong 6, Navarez 6, Lawrence 2, Tabasa 2

Ikaduhang duwa:

ECHO (90) - Catong 25, Ji. Villarosa 20, Solana 18, Yamo-ay 6, Aspera 4, Macalisang 4, Ja. Desoyo 4, Lantice 3, Sagayno 2, Romariz 2, Dianon 2.

BRAVO (84) - F. Desoyo 22, Maspiñas 19, Arnibal 14, Tenchavez 13, Arnaiz 8, Perino 8