CEBU, Philippines - Midaog ang Hoopers ni Yoly Meso batok sa USC Intangibles, 78-61 sa Philippine Institute of Certified Public Accountants (PICPA) basketball tournament 2012 niadtong Domingo didto sa Eladio Villa Memorial Gym sa Lahug.
Sa maong kadaugan, ang Hoopers naghupot na karon og 5-2 nga baraha
Nagtabla ang duha sa halftime, 37-all, apan nanginit ang Hoopers pagsugod sa third period pinaagi sa ilang 17-12 run nga giduslitan ni Khan Guieb ug Jonar Torres alang sa 54-49 nga abante paghuman sa maong kuwarter.
Si Torres maoy nangu sa Hoopers sa iyang 14 puntos, samtang ang Intangibles nga adunay 3-3 nga baraha gipangulohan ni Renden Jusilla nga mihakot og 21 puntos, gisundan ni Karl Leyson nga adunay 16 puntos.
Sa sayo pa, ang BCH Martians midaog usab batok sa Bombardier Zefiro sa iskor nga 74-64 ubos sa pagpangulo ni Edlin 'Double E' Edrina, kinsa mikadlit og 21 puntos. Si Art Flores miabuno og 13 puntos, samtang sila si Rayn Alejandre ug Dondon Ibo miiskor og 11 puntos matag usa alang sa BCH Martians.
Silang Jake Piape ug Melvin Judaya maoy nangu sa Zefiro nga nagkumboya og 35 puntos.
Puntos Matag Usa
Unang duwa:
HOOPERS (78) - Santiago 21, Guieb 20, Torres 14, F. Yu 8, Ju. Makinano 6, Meso 4, Ortiz 3, Je. Makinano 2
INTANGIBLES (61) - Judilla 21, Leyson 16, Dakay 6, Sevilla 6, Donaire 6, Alabado 4, Conde 2
Ikaduhang duwa:
MARTIANS (74) - Endrina 21, Flores 13, Ibo 11, Alejandre 11, Oliveros 8, Arquillano 6, Navales 4
ZEFIRO (64) - Piape 20, Judaya 15, Hoylar 13, Dumanjog 6, Malazarte 4, Estrella 4, Froilan 2 (BANAT NEWS)