Duha ka mga Sugbuanon sa PBB Gen 11
![Duha ka mga Sugbuanon sa PBB Gen 11](https://media.philstar.com/photos/2024/07/22/2_2024-07-22_23-43-25.jpg)
CEBU, Philippines — Duha ka mga Sugbuanon ang nakasulod isip housemates sa Pinoy Big Brother Gen 11.
Pormal na nga gisugdan niadtong Sabado sa gabii ang bag-ong season sa maong Kapamilya reality show.
Ang mga Sugbuanon nga nasulod niini kay sila si Rain nga gitawag og "Ang Cheerfu-langga ng Cebu" ug Kai nga giila isip "Ang singing Gwapa ng Cebu".
Sila si Bianca Gonzalez, Melai Cantiveros, Robi Domingo, Enchong Dee, Kim Chiu, ug Alexa Ilacad ang hosts sa maong show.
10 million views
Nakatala na og kapin sa 10 million views sa YouTube ang music video sa awit sa BINI nga "Cherry On Top". Kapin na sa usa usa ka semana sukad kini gi-release. Nakadawat usab kini og mga pagdayeg gikan sa netizens.
Dunay projects sa Vietnam
Gikatakdang molarga sa Vietnam sunod buwan si Nico Locco. Duna'y duha ka series nga pagabuhaton si Nico sa maong dapit kun diin makauban niya ang Vietnamese stars ug laing usa ka Hollywood star. Siya lang ang artista nga na nagikan sa Pilipinas sa maong mga proyekto.
British citizenship
Malipayong gianunsyo ni Bangs Garcia nga hingpit na siya nga usa ka British citizen. Nasayran nga pito ka tuig na ang kaminyoon nila sa iyang British nga bana." A year late, but I’m glad I finally had time to sort out my citizenship this year. I’ve just pledged allegiance to King Charles III and the United Kingdom earlier. Therefore, I’m officially a British citizen today,"social media post ni Bangs sa niaging adlaw.
Tungod sa intriga Jane naikog kang Rob
Naikog og maayo ang Kapamilya actress nga si Jane de Leon ngadto kang Rob Gomez human sila naintriga nga dunay tinagoan nga relasyon.
Matud pa ni Jane nga si Rob na hinoun ang nag-sorry kaniya. Nag-ugat ang isyu sa dihang nag-post si Jane sa Instagram sa hulagway nila ni Rob atol sa pagtikang nila sa Taiwan. Nasayran nga mag-uban ang duha sa usa ka proyekto.
Punerarya gipangandoy ni Rabiya
Giangkon sa beauty queen-actress nga si Rabiya Mateo nga pangandoy gyud niya kaniadto nga maka-negosyo og punerarya.
Apan wala kini mahitabo gumikan kay naglisod siya'g pangita og embalsamador nga maoy unang gikinahanglan sa maong klase nga negosyo.
Hinuon bukas si Rabiya nga iyang banhawon ang maong tingoha. Kun mahatagan kini og katumanan, ipatukod niya kini didto sa Iloilo, ang lugar kun diin siya nagdako.
- Latest