Kong ablihan angayan usab kining sirad-an

Sagad mahitabo sa mga tawo nga mobukas og negosyo kong dili na gani makasugakod sirad-an dayon kini kay naalkansi ug ang uban nawagtangan og gana kay na-realize nila nga dili gyud sila negosyante by nature.

Ok lang sirad-an basta wala makaparehistro sa Bureau of Internal Revenue or BIR pero kong nakarecord na mo sa BIR gikinahanglan gyud nga isira ninyo opisyal ang inyong business aron dili magkaproblema.

Ang uban nagtuo nga nasira na nila sa sa lungsod o sa syudad igo na apan wala sila kahibawo nga mas segurohon nila og process ang sa BIR kay kong dunay ablihan gikinahanglan usab kining sirad-an.

Ang mahitabo kong dili ma-officially close ang negosyo magpadayon nga makatatak ang kolektahon nga buhis ug ang penalty o gitawag nila nga open cases kay wala man lagi na-process nga hangtud magkadako na sulod sa taas nga katuigan ug inig abot sa panahon dili na kayang bayaran.

Aron mabayran sa mga gagmayng negosyante o mga micro-taxpayers ang ilang obligasyon, gilusad sa BIR ang “One Time Abatement” progam nga magpagamay ug magpagaan sa bayranan sa mga hingtungdan nga taxpayers.

Hunyo kini gilusad ug molungtad sa kataposang adlaw sa Disyembre karong tuiga. Kinsa man ang  makapahimulos niini?

Kadtong mga taxpayers nga dili moubos sa tres milyones pesos ang taxable year ug dili molapas aa 80 thousand pesos nga tax penalty.

Gihimong sanglitanan sa BIR ang usa ka micro taxpayer nga wala ma-settle ang bayranan 18 ka tuig na ang nakalabay ug niabot og 350 thousand ang iyang bayronon.

Gipaninglan lang kini og tag singko mil pesos kada taxable year diin gamay nalang nalang sila og nabayran. Sa higayon nga mabayranan na ang tanan, mahibalik na nga limpyo ang record sa usa ka taxpayer.

Dili gyud angayan nga ibalewala ang pag-settle sa buhis kay dili lang magkadako ang buhis kon dili apil usab ang multa sa matag tuig nga napakyas sa pagbayad sa obligasyon sa buluhisan.

Ang abi nato sa una nga okay ra apan karon dili gyud ok mahasol kaayo kita sa consequence sa atong kapakyas sa paghikutar sa atong obligasyon isip magbubuhis.