Improving your memory by Sarah Jio, Women’s Day 2010

Usa sa komon nga suliran natong mga senior citizens, kining atong pagkakalimtanon. Gani, bisan kadtong wala pa ma-60, ang uban kanila, gihasol na man niining maong tilimad-on.

Duna koy amigo, mga 50 pa, akong gipamalihog pagpalit og something, tungod kay limited na man ang akong moblity, dili na ko makapatuyang og lakaw-lakaw.

Hapit kada adlaw manawag siya nako pagpangutana unsa to ang akong ipapalit niya. Nagpa-drive na lang ko sa akong anak, ako na lang ang nipalit sa ako untang ipapalit niya.

Alang kanatong mga kalimtanon, akong nakuy-koyan (ni Leo pa), kining usa ka article gikan sa akong mga clippings nag-ulohan, “Tricks for improving your memory.”

But, before that, nakaila ka pa ba sa ngalan sa pito nimong mga apo? Kahinumdom ka pa ba sa ngalan sa inyong English teacher? Ang liyabe sa imong aparador, diin man nimo ibutang? Nganong nangita ka man kon hain ang imong antiyohos (eyeglasses) nga imo man nang gisul-ob? Ang imong sungkod, diin man sad nimo ibutang? Ug daghan pang timailhan sa atong pagka-kalimtanon.

Walay labot dinhi sa atong pagkulokabildo bahin sa pagkakalimtanon, ang mahitungod sa Alzheimer’s disease ug dementia. Ordinaryo lang sa pagkakalimtanon ang atong batbaton dinhi.   Dili ko gustong maghisgot niini, tungod kay one time, duna koy suod nga amigo, nagkahibalag kami atbang sa city hall, wala na man siya makaila nako. By the way, kini diay’ng word Alzheimer’s matud sa Google, is named after Dr. Alois Alzheimer, usa ka German psychiatrist ug neuroanatomist. Iyang na-identified ug na-diskobrihan ang maong sakit niadto pang 1906.

Sa iyang article, si Sarah Jio, nagkanayon: “If you’ve ever wished you could do some simple things to sharpen your memory skills, you can.” Sa ato pa, adunay simple nga mga solusyon pagsubad sa atong pagkakalimtanon.

Pananglitan, giingon dinhi, to eat more fruits and vegetables, kadtong mga hingaon og prutas ug utan, dili ma-apektohan sa memory loss. Ang maong mga pagkaon, are not only good for your body, but also for your memory. Ikaw, di ba imong kontra ang agbati, kamunggay, ug okra?

Sa mga pagtuon sa Harvard University, nakita nga kadtong mga hingaon og utan, has a lower decline of brain function as they aged, Gi-mention dinhi ang pipila ka brain-boosting anti-oxidants nga mga prutas, sama sa red apples, berries, eggplant, ug red grapes.

Unya, “Getting a good night’s sleep can help you improve your memory. Sleep is critical for memory consolidation.” Gisugyot nga sa dayon nimong katulog, ayaw paghunahuna ug pagbuhat og bisan unsa: No reading, no TV, no sex, no music. Nia ra bay uban, magbuntag og paminaw ug pagtulpok-tulpok sa cellphone. Ambut kon maka-improve ba kini sa atong memory.

Reading is great for your brain and can improve your memory by leaps and bounds. Basa gyud, ayaw pagtinapolan. And the best tip to improve your memory is to reduce your stress.

Unya, brief meditative exercise increases the blood flow to all areas of your body and the brain, specifically in areas involved in memory. So, baby, ayaw kabalaka sa imong pagkakalimtanon, ma-improve gihapon ang imong memory.