Ang epicenter
Gibulgar ni Ombudsman Jesus Crispin Remulla nga ang Davao City mao ang epicenter sa flood control project corruption.
Pero iyang giingon nga padayon pa sila sa pagpanghipos ug sa pagpangita og mga ebidencia.
Unsa ug kinsa kaha ang source ni Ombudsman Remulla sa paghingan niini sa Davao City nga epicenter sa flood control project corruption?
Sa talaan sa DPWH, ang Bulacan mao ang adunay pinakadaghan og flood control project nga miabot og 668 nga mibalor og P43.75 bilyones. Gisundan kini sa Sugbo nga adunay 414 ka mga flood control project nga mikantidad og P26.61 bilyones.
Nahimutang sa ikatulo nga dapit nga adunay pinakadaghan nga flood control project ang Isabela nga adunay 337-341 ka flood control project nga nagkantidad og P22.77 bilyones.
Wala maapil dinhi ang Dakbayan sa Davao. Pero nganong giingon man ni Ombudsman Boying Remulla nga ang Davao City mao ang epicenter sa flood control corruption?
Dili ba anaa man sa Bulacan ang pinakadaghan og non-existing, ghost ug substandard nga mga flood control projects?
Dili ba sa Bulacan unta o dapat mao kini ang epicenter sa flood control corruption? Nganong sa Davao City man? Tungod ba kay kontra sa administrasyong Marcos ug balwarte sa mga Duterte ang Davao City?
Mora og nagsige na og kasaag si Ombudsman Remulla.
Sa miaging mga adlaw, dinhi sa Sugbo si Ombudsman Remulla kay nag inspection sa lunop ug baha bisan didto sa kaulohan nagsige lunop ug nagbaha.
Karon nasaag napod si Ombudsman Remulla. Ambot laaaaaannnngggg
- Latest
