Child custody

Dear Atty. Divine,

Aduna koy pangutana may labot sa custody sa among mga anak. Ang akong bana nagtrabaho sa abroad, aduna mi duha ka anak nga nagangidaron og 6 anyos ug 2 anyos. Last year, schedule unta siya nga mouli apan wa mouli ug akong nasayran nga aduna diay siya’y laing babaye nga karelasyon. Karon, nagplano ko nga ako siyang buwagan apan ang ako lang concern mao ang child support ug ang custody sa mga bata. Ang akong pangutana kun aduna ba koy lig-ong basihan sa balaod nga ako ang mo custody sa mga bata? If yes, mapugos ba siya sa pagsupport kanamo? Daghang salamat. —Tess

Dear Tess,

Basi sa Article 213 sa atong Family Code, kini nagkanayon nga kun ang bata below 7 years old, ang custody niini adto gyud sa inahan. Kun wa pa mo unta mo nagbuwag, joint parental authority ang inahan og amahan sa mga bata. Dili mamahimo nga ikaw isip inahan hikawan ka sa katungod pag-custody sa mga bata gawas lang kun adunay compelling reasons nga kinahanglan sab probahan sa korte sa amahan kun siya mo insist nga siya ang mo custody sa mga bata. Usa sa mga compelling reasons, sama pananglit kun adunay mental problem ang inahan, or iyang gi-abuso o giabandonar ang mga bata. Apan kun way valid grounds aron hikawan ang inahan sa custody sa iyang mga anak then siya gyud ang mo custody kanila. Ug bisan kun ikaw pa ang mo-custody sa mga bata, obligado gihapon ang amahan nga mosuporta kanimo kun kamo legally married ug lakip na sa inyong duha ka mga anak kay kabahin kana sa obligasyon sa amahan. Thank you and God Bless! Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.