Adunay ngipon ang Pagpanudlo

Basaha: Mt. 12;14-21

Ang atong Ginoo sa ebanghelyo ingon nga pinili ug dinihogan ang dili sama sa uban nga mohimo og usa ka masaba nga pulong pulong sa kadalanan.

He is working in silence ug diha sa kahilom anaa ang kusog ug gahum. May ngipon ang matag pagtulon-an sanglit ang iyang kinabuhi mismo mao man ang application sa iyang pagtulon-an.

Mao kini ang nakapahimo niya nga gamhanan ug makahuloganon.

Diha sa kahilom iyang gisangyaw ang mensahe sa kaluwasan pinaagi sa iyang binuhatan.

Ning atong panahon sa kasamtangan nindot man kun mamahimo kitang bantugan ug inila sa paagi nga kita manudlo hinunoa ang gikinahanglan usab karon mao man ang mga tawo mosaksi sa ilang gipanudlo pinaagi sa paghimo sa ilang kinabuhi ingon nga konkretong mensahe nga makita ug masinati sa uban. Nga makaingon ang uban nga tinuod gyud nga dunay Dios tungod sa kasinatian sa usa ka makadiyosnon nga tawo.

Isip simbahan hagit ni natong tanan. Unta dili mamahimong slogan ug pulong pa cute lamang ang tanan diha sa atong panaw sa kinabuhi ingon nga tawo ug magtutuo unta ang atong mga buhat mosulti ug modasig bisan wala kitay mga pulong malibkas ug malitok.