Basaha: Lk. 19;5)
Usa ka hapon niana samtang nag-brownout dinhi sa amoang parokya nag-ukab ukab ko sa Bibliya ug nataymingan nga akong nabasahan ang ebanghelyo ni San Lukas diin ang atong Ginoo nakakita kang Saqueo nga nikatkat intawon sa kahoy nga sikomoro makakita lamang kang Kristo Jesus nga niagi niadtong tungora. Nakakita ang Ginoo kaniya ang Ginoo ug nagkanayon: “Kanaog Saqueo kay adto ako dayon sa imong Balay! Kun Manendum Est in Domo Tua.
Akong nakita ang akong kaugalingon sa pagkatawo ni Saqueo. Dili tungod kay putot ko nga pagkatawo apan nakita nako ang akong kaubos ug ang akong kahuyangan nga bisan pa man niini ang Ginoo nakakita sa akong kahuyangan ug kaubos. Nipuyo siya sa akong panimalay sa kalambigitan.
Nakigsalo siya kanako sa yano nga talad sa pakiglambigit.
Gihatagan og kahigayonan nga mamahimong makaambit sa iyang bangkite ug mopaambit sa maong bangkite ngadto sa uban pinaagi sa pagsaulog sa Sagrada Eyukaristiya.
Ang maong kasinatian ni Saqueo nakahatag kaniya og kausaban bisan pa man sa iyang kadato apan ang kadaghanan nihukom kaniya nga makasasala. Ug kay gipakitaan man siya sa Ginoo sa kinasingkasing pagtagad ug gidawat ang iyang presensiya dunay dakong pagkakabig sa iyang kinabuhi.
Iyang gihimo ang pag-ayo sa bisan unsang mga kadaut nga iyang nahimo pinaagi sa pag-uli sa bisan unsa nga iyang nakawat. Ug gani iyang gihatagan usab ang mga kabus gikan niini.
Ang Ginoo nagkanayon: “Ang kaluwasan nahianhi ning balaya kay kining tawhana anak usab ni Abraham… “ Dili kita makalingkawas sa mga mata sa Dios ug dili kita makatago gikan kaniya! Kini tungod kay dili siya buot sa kamatayon sa usa ka makasasala.