Usurpation

Ubos sa Article 177 sa Revised Penal Code of the Philippines, ang usurpation nagpasabot kini sa duha ka kategoriya sa krimen nga mao ang pag-angkon og gahom o awtoridad o opisyal nga function nga ang usa ka tawo wala niini o illegal nga pagkuha og possession sa usa ka propiedad.

Ang usurpation sa awtoridad nga nakahibawo o dili tinuod nga pagrepresentar isip opisyal, ahente, o representante sa gobyerno sa Pilipinas o gobyerno sa langyaw nga walay gahom.

Ang  usurpation sa opisyal nga function mao ang paghimo og aksiyon mahitungod sa awtoridad o opisyal sa publiko nga walay legal nga awtotidad.

Ubos niining Article 177 sa Revised Penal Code nakalapas si Senador Sherwin Gachalian. Buot ipasabot, usurper ang Senador sa gahom nga iya ni Senate President Alan Peter Cayetano. Ngano man?

Una, giangkon mismo sa grupo ni Gatchalian nga dili si Win ang presidente karon sa Senado kun dili si Senador Alan Peter Cayetano tungod kay Senate President Pro Tempore lang siya. Kay Senate President Pro Tempore buot ipasabot dili si Win Gachalian ang Presidente sa Senado.

Ang paghimo sa iyang mga kauban ni Gachalian nga acting Senate president pag-ila kini nga dili gyod siya ang Presidente sa Senado. Bisan ang anunsiyo ug pagpa ila ni Presidente Bongbong Marcos Jr. kang Senador Sherwin Gachalian atol sa pag obserbar  ika 128 ka tuig nga Independence Day sa Pilipinas, iya kining gipaila nga Senate President Pro Tempore ug dili Presidente sa Senado. Si Senador Alan Peter Cayetano gihapon ang Presidente sa Senado. Acting Senate President lang ug President Pro Tempore si  Gachalian.

Apan naghimo og trabaho ingon man mga kamandoan si Gachalian nga angayan lamang nga himoon sa Presidente sa Senado sama sa pagmando sa mga trabahante sa Senado mahitungod sa ilang working hours, pag ilis og sekretaryo ug Seargent at arms sa Senado ug uban pa. Dili kini poyde nga himoon ni Gachalian kay acting lang siya.

Gani dili siya mahimong acting nga Presidente sa Senado kay anaa man si Senador Alan Peter Cayetano, wala man kini magbakasyon o masakit.

Samot na nga dili pod siya mahimo o magsilbing Presidente sa Senado kay dako mang buhi si Alan Peter Cayetano bisan pa og President Pro Tempore pa siya.

Krimen ang gihimo ni Win Gachalian. Usurpation of authority ug usurpation of official function ang gihimo niini.

Kinsa ang presidente sa Senado? Walay lalis. Si Senador Alan Peter Cayetano. Bisan ang grupo ni Gachalian miila ni Cayetano nga mao ang presidente sa Senado kay kun wala pa nila kini ilha, ila na untang gihimo nga presidente sa Senado si Gachalian dili lang unta siya acting.

Sayon ra gyod kaayo nga sabton ang termino nga presidente ug acting nga presidente.

Ayaw lang ninyo saguli og kolor sa politika ang inyong pagsabot sa presidente ug acting presidente di ba dili ka maglibog, dali ra kaayo ka makasabot.