Dear Atty. Divine,
Divine Marcial-FloreAng gusto unta sa akong igsuon nga adto unta ilubong ang akong mama sa lugar diin mi nagpuyo mga igsuon aron dali ra ang pagduaw sa lubong ni mama. Apan ang akong papa misupak niini ug didto gyud niya gipalubong ang akong mama sa among probinsya. Wa mi nahimo so misugot nalang mi sa kagustuhan sa among papa. Ang akong pangutana kun kinsa man ang mas dunay katungod nga modesisyon kon asa ilubong ang among inahan, ang bana o ang mga anak? Daghang salamat. —Linda
Dear Linda,
Mao nay butang nga dili unta angayang awayan. Apan ang inyong papa maoy mas dunay katungod nga modesisyon kon asa ilubong ang imong mama basi sa Article 305 sa Civil Code in relation to Art. 199 sa atong Family Code nga dìin ang order sa paghatag og support mao say basihan sa order kon si kinsa ang mo-decide sa funeral arrangement. Ang desisyon sa inyong kamaguwangan nga igsuon matuman lang kun pananglit kamo nalang mga anak ang nahibilin. Ang atong balaod nagkanayon nga ang funeral arrangement ibasi kun unsay tugon sa namatay apan kun wa siyay tugon kalabot niini , ang iyang kapikas maoy modesisyon. Apan kun wa na sab siyay asawa o bana then ang mga anak ang mo-decide apan kon pananglit di magkauyon ang mga anak then ang desisyon sa kamaguwangang anak maoy mopatigbabaw. Busa sa kaso sa pagpalubong sa imong mama, ang imong papa mao gyud ang mas dunay katungod nga modesisyon niini. Thank you and God bless! — Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.