Relief operations

Salamat sa mga manggihatagon nga nitabang gyud dayon nako ug sa akong mga parokyano nga naapektohan sa bagyo nga Tino.

Salamat kaayo sa taga Madridejos sa Alegria, sa AKHRO ug ubang mga fraternities ug mga private individuals nga personal gyud nga nihatud sa maong mga hinabang alang sa mga tawo nga naapektuhan.

Kining maong pagkamanggihatagon nakapadasig usab kanamo nga mamahimong manggihatagon usab. Sa akong pagtagik niini anaa na kami sa third wave sa pagpanghangtag sa mga relief good sa atong mga kaigsuonan.

Bisan kun ginagmay lamang kini apan dako na kaayo kini og kahimoan aron makuhaan ang kasakit ug kasagmuyo nga nahiaguman gumikan sa maong katalagman.

Ang gikinahanglan niining mga panahona mao man ang pagtabang.

Dili lang kay pagtabang kondili han-ay ug organisadong pagtabang. Dili langay ug gubot. Ang langay nga proseso makasamot sa kainit sa ulo sa mga tawo.

Ug mao kining mga panahona nga mahimong pangutan-on ang atong kredibilidad isip mga lider sa nagkadaiyang mga aspeto sa atong kinabuhi isip katawhan ug magtutuo.

Kun prayoridad nato ang katawhan, nan, mas dali ra gyud ang paghimo og desisyon alang sa kinabag-an.

Sa laing bahin, kun pryoridad nato ang atong kaugalingon, awh uwahi gyud ang kinabag-an.

Apan unta dili lang kini mahitungod sa Relief Operations.

Daghan namang mga katalagman ang nangagi sa atong kinabuhi isip usa ka nasud unta nagkat-on na unta kita niini.

Dili lang kini mahitungod sa ayuda kondili sa kaandam, sa kahan-ay ug sa kaligdong labina sa paggamit sa panalapi alang sa mga infrastructure sama sa mga tulay, flood control ug uban pa.

Daghan natong mga Pilipino ang henyo ku buot hunahunaon labina sa engineering apan kun mosulod na gani ang kinaugalingong kahakog masilawan gyud ang tanan tungod sa salapi at the expense sa kadaghanan. Kadako sa atong tulubagon sa Ginoo gumikan niini apan ang pangutana aduna bay Ginoo sa ilang kasingkasing