Mga pamaagi ni San Vicente Ferrer

Mga Agosto puhon mobalhin nako sa Parokya kang kansang patron mao man ang bantugang San Vicente Ferrer. Kining maong santos gitawag og Angel of the Apocalypse, bantugang magwawali ug daghang mga Milagro ang nabaniog pinaagi sa iyang pangaliya. Nahimong epektibo ang iyang pagwali gumikan ning mosunod nga mga pamaagi.

· Simple and Direct Preaching (Yano ug direkta Mente nga Pagsangyaw)

Lantip og panghunahuna si San Vicente sanglit taas man siya og kahibalo gumikan sa iyang pagtungha sa mga bantugang unibersidad apan gihimo Niyang mas mapasayon ang tanan ug masabtan sa kadaghanan.

· Emphasis on Practical Christian Living (Kun Praktikal nga Pagkinabuhi)

Iyang gipasayon ang tanan alang sa katawhan aron mapuy-an nila ang balaang kinabuhi pinaagi sa mga Byuhat sa Kalooy, Paghinulsol ug pagbag-o ingon man Pag-Ampo. Addressing Social Issues (Pagsanong sa mga Panghitabo sa Katilingban)

· Nahimong suliran kaniadto ang Western Schism gani dunay duha ka mga Santo Papa sa iyang kapanahonan. Ang kahimtang sa mga kabus ingon man ang pagkatun-as sa moralidad. Iyang gihatagan og kasulbaran kining maong mga suliran ilawom sa lamdag sa Kristohanong Pagtulon-an.

· Personal Example (Sanglitanan sa Kaugalingon)

Nahimong gamhanan ang iyang pagpanudlo sanglit siya mismo nagpuyo man sa iyang gitudlo. Ang iyang kinabuhi puno sa penitensiya, disiplina ug pag-ampo nakaaghat sa uban aron mosunod sa maong mga lakang.

· Use of Vivid Language and Examples (Paggamit og mga Tataw nga mga Pulong ug mga Buhing Panig-ingnan)

Gihimo niyang sayon ang tanan ug nigamit siya og mga paghulagway malisud kalimtan sa kadaghanan..

· Promoting Unity (Pagkugi alang sa Kahiusahan)

Uban ang espirituhanong kakugi si San Vicente Ferrer nihiusa sa tanang nagkaungkag nga katawhan labina gyud diha sa simbahan.

· Emphasis on Conversion (Mahinungdanon ang Pagkakabig)

· Tumong niya ang pagkakabig sa mga kalag ngadto sa Dios. Iya kining giampo ug iya kining gihagoan.

· Use of Miracles: (Mga Milagro)

Ang balaanong kinabuhi ni San Vicente Ferrer nagbunga og mga Milagro. Gikan sa pag-ayo sa mga masakiton, paghingilin sa mga yawa ingon man ang pagbanhaw sa mga minatay. Ginaingon nga si San Vicente Ferrer dunay gasa nga mo bilocate ang pagkaanaa sa duha ka mga dapit sa usa lamang ka higayon. Bisan gani human sa iyang kamatayon ug hangtud karon, padayon siyang nagdala og mga Milagro.

San Vicente Ferrer, Iampo mo Kami!