Mamahimo bang ipa-deduct sa abangan ang gasto sa pag-repair
Dear Atty. Divine,
Duna koy giabangan nga balay sud na sa lima ka tuig. Tungod sa kakaraan na sa maong balay, adunay daghang guba nga angayang i repair sama sa bintana, uban bahin sa atop og pultahan sa CR.
Ang akong pangutana kun mamahimo ba nga akoy mobayad sa pag-repair apan akong ipa-deduct sa abangan ang akong magasto? Daghang salamat.
Cris
* * *
Dear Cris,
Basi sa Art. 1654 sa atong Civil Code, ang Lessor o tag-iya sa imong giabangan maoy obligado nga mogasto sa pagpa-repair. Ang Lessor maoy dapat mo maintain sa property aron magpabilin kining in good condition.
Kun pananglit dili siya mohimo sa pag-repair pwede ra sab kun mosugot ang Lessor nga ikaw ang mogasto sa repair apan imong i-deduct sa imong abangan kun mosugot ang lessor.
Lain nimong option mao ang pag-suspend sa imong pagbayad sa rental hangtud nga iyang irepair ang property. Thank you and God bless.
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo
- Latest
