Water Witching ug Bible Cutting

Usa gihapon kini nga balansayon sa okulto ug walay sukaranan sa siyensiya ni may pagpasabot gikan sa siyensiya.

Ang paggamit sa rod aron kunohay pagkaplag og tubig kun tinubdan sa tubig.

Ang maong abilidad natino gyud nga okulto labina nga nunot niini ang pasiatab nga ang maong abilidad sa usa ka water witch mahimong mabalhin kun mahatag sa buot niyang hatagan o papadayonon niini nagpaila lamang nga kini okulto.

Bible Cutting kun Bibliomancy

Naandan kining balansayon sa pipila ka mga charismatic movements ug uban pang mga pundok.

Kay lagi matud pa kining maong paagi usa sa mga pamaagi aron atong makita ug masinati ang tubag sa Dios sa atong mga pangutana. Usa kini ka dakong patuo-tuo.

Nagasukad kini sa pagsabot nga pinaagi sa pagpakli sa panid sa balaang basahon, ato dayong makita ang mga tubag sa atong mga pangutana diha sa balaang kasulatan.

Usa kini ka dakong sala ug labaw sa tanan usa kini ka dakong binuang.

Ngano man? Tungod kay diha sa proseso sa kinabuhi dili tanan ipaagi og instant.

Dugang pa, ang Simbahan dunay gihatag nga han-ay ug giya aron atong sundon tibuok tuig.

Ngano man diay kun atong sundon ug tumanon ang giya kaysa maghunahuna kita og butang nga atong gisama sa usa ka Mahika.

Ang simbahan wala magtudlo nato niana. Unta ang mga katolikong mga pundok nga naghimo sa ingon ang moundang na unta sa maong hinanggaw nga binuang.