Suspenso

Gipaubos sa preventive suspension sulod sa unom ka buwan si Cebu Governor Gwendolyn Fiel Garcia sa Ombudsman tungod sa grave abused of authority, gross misconduct, serious dishonesty ug gross negligence. Kini tungod sa iyang paghatag og special permit alang ss disaltation sa suba sa mananga sa dakbayan sa Talisay lalawigan sa Sugbo nga walay pagpangkonsulta ss uban nga ahensiya sa gobyerno.

Gipasabot sa gobernadora nga ang special permit nga iyang gihatag may pagtugot sa Hunta Probinsiyal nga medeklarar sa tibuok lalawigan sa Sugbo nga ubos kini sa state of calamity tungod sa kakuwang sa tubig.

Gipasabot sa Gobernadora nga ang disaltasyon lang ang paagi aron masulbad ang suliran sa kakuwang sa tubig ug walay personal nga interest o malisya nga nalambigit sa iyang gihimo.

Ang Gobernadora sa Sugbo miingon nga si Ombudsman Samuel Martires tinudlo sa kanhi Presidente Rodrigo Roa Duterte.

Buot bang ipasabot sa gobernadora nga gisuspenso siya kay dili sila kaalyado sa kanhi presidente nga si Rodrigo Duterte?

Layo sa tinuod ang pagduda sa gobernadora tungod kay kun tinuod ang iyang pagduda, wala unta suspensoha ug tangtanga sa pagkamayor sa dakbayan sa Sugbo si Mike Rama nga nailhan nga solidong dumadapig sa kanhi Presidente.

Hinuon ang suspension dili pa kini silot kun dili prevention lamang aron dili maka-inpluwensiya ug makapanghilabot ang gobernadora sa mga importanting dokumento nga konektado sa kaso.

Busa dili pa magmaya niini ang iyang mga kontra sa politika kay dili pa man gihapon sila makalingkod sa Kapitolyo gawas kun modaug na sila sa Mayo 12 nga bugnong lugaynon.

Sa lsing bahin, gitugot ba sa balaud ngs mosuspenso og opisyal panahon sa bugnong lugaynon? Kun wala man kini gitugot, wala ba kini exception? Mao seguro kini ang utingkayon ug lilion sa mga abogado sa gobernador.