Mausab ang status sa bata kun magpakasal ang ginikanan

Dear Atty. Divine,

Adunay koy kapuyo sud na sa pito ka tuig ug nag-edad na og 4 anyos ang among kamaguwangan nga anak. Plano unta namo nga magpakasal karong Hunyo samtang dili pa ko manganak niining ikaduha nako nga anak nga akong gimabdos karon. Ang akong pangutana kun mausab ba ang status sa akong mga anak gikan sa illegitimate ngadto na sa pagka legitimate kun magpakasal mi? Daghang salamat.             

Karen

* * *

Dear Karen,

Yes, kun magpakasal mo samtang wa pa matawo ang imong anak nga gimabdos karon, inig katawo sa bata legitimate na ang iyang status. Samtang ang imong kamaguwangan nga anak ma legitimated usab siya human unya sa inyong pagpakasal apan dili kini automatic. Kinahanglan nga inyo pa kining i-process sa Local Civil Registrar diin marehistro ang imong anak. Gawas sa inyong marriage certificate adunay pay dugang dokumento nga dapat ninyong i-submit aron mausab ang status sa inyong kamaguwangan gikan sa pagka illegitimate ngadto sa pagka legitimated busa mas maayo nga mangutana mo sa Local Civil Registrar kun unsa nga mga dokumento ang inyong i-submit kanila alang sa maong legitimation process. Thank you and God Bless. -- Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.