Paturagas nga pangagpas
Paggawas ni Vice President Sara ‘Inday’ Z. Duterte gikan sa The Hague, Netherlands International Criminal Court (ICC) detention facility human miduaw ni kanhi Presidente Rodrigo Roa Duterte (PRRD), gisugat gilayon siya sa panon sa Overseas Filipino Workers (OFW), kinsa nangumusta sa kasamtangang kahimtang ni PRRD.
May mipagawas og kabalaka nga ingkasog makagawas na si PRRD sa detention facility, unya mouli na sa Pilipinas, basin adunay daotang mahitabo kaniya. Diin dali ra si Inday nakasumpay-tubag:
“Sinabi ko din sa kanya yon: ‘Pa,’ sabi ko. ‘Yung kagustuhan mo na umuwi, iyan din yong kataposan ng buhay mo – magiging Ninoy Aquino Jr. ka.’
At sinabi niya sa akin, sabi niya: ‘Kung ganyang ang kapalaran ko, then, so be it! Basta lang mauwi ako sa Pilipinas.’“
Pero naunsa ba, nga gilain man pagsabot sa Malakanyang ang maong seryosong pahayag ni Inday. Matud pa ni Presidential Communication Claire Castro sa usa ka press briefing:
‘Nga gipakasama kuno ni Inday si PRRD kang kanhi Senador Benigno Aquino Jr., kinsa wala gyoy rekord nga mass murder ug crime against humanity.
Unya, gihinganlan pa gyod si PRRD og Hitler.’
Igo lang nakapahiyom si Inday dihang gihisgotan kini sa mga OFW nga nakighinabi niya. Pero iyang giklaro unsay iyang gipasabot?
Nga basin patyon sab si PRRD inig-abot sa Pilipinas sama sa nahitabo ni Ninoy.
Daghang anti-Duterte ang misaway sa gisulti ni Inday nga ‘mahisama si PRRD ni Ninoy’. Kay kuno si Ninoy hero samtang si PRRD, Hitler! Nalimot sila nga kon ang gipamatay ni Hitler mga inosenting Jews panahon sa Holocaust, ang nakabsag kinabuhi sa war on drugs ni PRRD, matod pang Tatay Digong, pulos misukol nga mga addict ug criminals.
Ikaduha, unsa bay mga kaayohang nahimo ni Ninoy dinhi sa Pilipinas, ikomparar sa sobra kadaghang bulawanong legasiya nga gipondar ni PRRD panahon sa iyang pagpamunoan?
Nadato bang Pilipinas pagkamatay ni Ninoy, diin si Cory, iyang asawa maoy na-presidente? Or misamot kaalaot? Unya, hero na hinuon?
Sa bagay pulos opiniyon-pangagpas ra gyod kining tanan.
May pangagpas nga patas-mabinantayon-haom ug hingigo kaayo. Usab, may pangagpas nga paturagas, bisag asa lang tugpa ug dili gayod makaigo.
Niining duha, asa kaha mahisakop-haom ang pangagpas ni Castro?
- Latest