Kalabot sa mga healing miracle crusade

Ang Congregation of the Doctrine of the Faith sa instruction: On Prayers for Healing nga gipagawas niadtong Septiyembre 14, 2000 ang naghatag sa katungod sa Ordinaryo Lokal nga molatid sa mga pamaagi ug mga balaod kun sa unsang paagi nga magalihok ang Pangalagad sa Kaayohan (Ministry of Healing) sa iyang teritoryo kun hurisdiksiyon.

Mas haom ug makinaadmanon nga ang obispo mohimo og background check kun pag-ila sa mga nangulo sa pangalagad alang sa kaayohan. Ang kasaysayan diha sa atong simbahan nagtudlo man nga ang nagbansay sa panambal layko, relihiyoso ug kaparian ang kinahanglang makaseguro o makatino nga ang tinubdan sa maong mga gahom iya ba gyud sa Dios.

Kini aron malikayan nga ang maong pangalagad matakboyan (contaminated) labina kun ang sugilanon sa mga nahisgotan naglambigit ning mosunod:

1.  Kaliwat sila sa mga tambalan ug albularyo.

2.  Giayo ginamit ang mga gahom sa mga elemental nga mga Espiritu (engkanto, dwende).

3. Aduna silay kalambigitan kaniadto sa okulto gumikan sa pagkonsulta niini kaniadto o dili ba kaha adunay kasabotan kalabot niini.

4.  Nakasinati og trauma ug gani hapit mamatay.

5. Nigamit sa mga pamaagi sa New Age diha sa pagpanambal. Angayan natong hinumdoman nga ang mga Espiritu sa okulto mahimong dili aktibo sulod sa daghang katuigan bisan pa man kun anaa sila sa tawo ug mopadayag kini sa panahon nga makahatag kini og igong kadaut ug panlimbong ngadto sa hingtungdan.

6.  Ang maong mga gahom gikan sa mga Espiritu sa okulto ang mahimong mapadayag diha sa mga mahinungdanon hitabo sa kinabuhing espirituhanon sa hingtungdan.

Sama pananglit sa Ordinasyon, relihiyosong pagpanumpa sa mga saad (religious vows), pray overs diha sa mga santos ehersisyos (Life in the Spirit Seminar) ug uban pang mga kalihukan nga makapapukaw sa espirituhanong aspeto sa hingtungdan. Adunay mga pari ingon man mga relihiyoso nga bisan wala silay kasayuran ug wala tuyoa ang makahupot og gahom nga okulto. Ang maong dokumento:  Instructions on Prayers of Healing ang niangkon ning maong kakuyaw. Sa laing bahin, ang dokumento: Jesus Christ, the Bearer of the Water of Life: A Christian Reflection on the New Age nga gipagawas sa Pontifical Council on Religious Dialogue and the Pontifical Council for Culture tuig 2003 ang nipahimangno kalabot sa mga balansayon sa pagpanambal nga pinasikad sa New Age.