Mamahimo bang di iapil ang anak sa last will?

Dear Atty. Divine,

Aduna koy tulo ka anak ug pulos na sila pamilyado. Apan ang akong kamanghuran mao gyuy problemado kaayo og dili morespeto namo nga iyang mga ginikanan. Di siya magpabadlong bisan sa iyang mga sayup nga binuhatan. Plano namo karon nga magpahimo og Last Will and Testament ug dili gyud namo binlan og kabtangan kining among kamanghuran kay wa gyud siya’y respeto kanamo ug kanunay mi niyang pasakitan og estorya. Mamahimo ba namo siya nga i-disinherit? Daghang Salamat. -- Nora

* * *

Dear Nora,

Basi sa atong balaod, ang mga anak compulsory heirs sa iyang mga ginikanan busa  as a general rule, dili siya mamahimong hikawan sa iyang bahin sa kabtangan. Apan ang atong balaod, nagtugot sa mga ginikanan sa pag-disinherit sa ilang anak basi sa mosunod nga grounds nga gilatid sa Article 919 sa atong Civil Code, kini nagkanayon: “The following shall be sufficient causes for the disinheritance of children and descendants, legitimate as well as illegitimate: xxx 6) Maltreatment of the testator by word or deed, by the child or descendant; xxx.”  Buot ipasabot nga kanang pagmaltrato sa inyong anak diha kaninyo mamahimo kanang basihan sa inyong pag disinherit kaniya.  Busa sa imo unyang paghimo sa Last Will and Testament kinahanglan nga imong ilakip sa pagbutang kun unsay rason nganong imong tangtangan sa iyang katungod sa pag-inherit ang inyong anak nga kamanghuran. Thank you and God Bless. -- Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.