Walay gidawat benepisyo

Dear Atty. Divine,

Nagtrabaho ko sa usa ka kompaniya sud na sa tulo ka tuig apan under sa agency.

Nagdawat ko og minimum nga sweldo apan wa koy mga benefits sama sa SSS, PhilHealth ug PAGIBIG.

Gusto unta ko nga mo-avail sa housing loan sa Pagibig apan dili ko maka apply kay wa man koy contribution niini.

Unsay akong buhaton aron makapahimus ko sa maong mga benefits? Daghang salamat.

Joseph

* * *

Dear Joseph,

Basi sa balaod, obligado ang imong agency nga mohatag sa mga benefit sama sa SSS, PhilHealth ug PAGIBIG kay mandatory kana basi sa atong balaod.

Kun wa kini buhata sa imong agency then mamahimo ka nga moreklamo batok sa imong agency ngadto sa DOLE aron matabangan ka nila nga mahatag ang imong mga benefits from the time nga ikaw nagsugod og trabaho.

Mas maayo nga imong sulti-an ang imong employer kalabot sa imong benefits og kon di sila mohimo og aksyon niini, then mamahimo ka nga mopasaka og reklamo ngadto sa DOLE batok sa imong employer. Thank you and God Bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.