Milapas sa boundary sa iyang property

Dear Atty. Divine,

Ang kasikbit sa akong yuta nagkoral sa iyang dapit, apan matud pa sa among caretaker nga milapas ang iyang koral sa mohon sa among yuta.

Buot ipasabot nga naapil niya sa pagkoral ang portion sa among property. Sa dihang akong gisulti-an ang tag-iya , mi-insist sab siya nga wa daw siya molapas sa boundary. Unsay among buhaton aron pagtino kon nakalapas ba siya or wala? Daghang salamat.

Lorna

                                                * * *      

Dear Lorna,

Aron matino gyud kon milapas ba siya sa imong property o wala, mas maayo nga imong ipa-survey ang inyong property, imo siyang sabuton nga magtunga mo sa bayranan sa surveyor aron maklaro ang inyong mga utlanan.

Kun mosugot siya nga magtunga mo sa expenses mas maayo, apan kun dili siya mosugot, mamahimo gihapon nga imong ipadayon ang pagpa-survey apan ikaw ra ang mobayad sa expenses but imo gihapong pahibaw-on ang imong kasikbit aron anaa gyud siya atul sa survey og aron ang surveyor na ang mosulti kaniya kon nakalapas ba siya sa imong property. Thank you and God bless!

Atty. Divine

* * *

Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.