Nawala ang credit card

Dear Atty. Divine,

 Ang akong credit card nawala uban sa akong pitaka. After pila ka adlaw nga akong gi-report sa bangko ang pagkawala niini, ilang nasuta nga dunay mga purchases gamit ang akong credit card nga nawala. Ang akong pangutana, obligado ba ko nga mobayad nianang mga purchases human nawala ang akong credit card? Daghang salamat. —Liza

 Dear Liza,

Basi sa Section 15 sa Republic Act 10870 kon Philippine Credit Card Industry Regulation Law, kini nagnakayon nga kun ang credit card nawala o gikawat, ang bisan unsang transactions nga nahitabo sa wala pa gi-report ang pagkawala o pagkawat niini tulubagon sa tag-iya sa credit card. Samtang ang mga transactions nga nahitabo human sa imong pag-report sa bangko sa pagkawala sa credit card, dili ka obligado nga mobayad niini. Busa sa imo nga kaso, mas maayo nga imong sutaon kun kanus-a nahitabo ang mga purchases, before ba sa imong pag-report sa bank or after na. Kay kun ang mga purchases nahitabo after you reported the incident to the bank then wa kay tulubagon niini. Busa importante kaayo nga kun mawala gani ang credit card i-report gyud dayon sa bangko. Thank you ang God bless.

 Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.