Dear Atty. Divine,
Ang akong mama adunay gipalit nga yuta 3 years ago. Aduna siyay gikuptan nga Deed of Absolute Sale pirmado sa seller apan wa kini manotaryohi.
Plano unta ni mama nga i-process ang pag-transfer sa property ngadto sa iyang name. Ang akong pangutana kun pwede pa ba gamiton ni mama ang maong Deed of Absolute Sale inigtransfer bisan kon gipirmahan kini sa seller 3 years ago? Daghang salamat
Lisa
* * *
Dear Lisa,
Kinahanglan nga ipanotarized daan sa imong mama ang maong Deed of Absolute Sale kun iya nang i-process ang pag-transfer sa yuta nga subject sa maong transaction.
Kinahanglan sab nga mokuyog ang seller sa pagpanotaryo sa maong Deed of Absolute aron iyang pirmahan ang notarial book sa lawyer nga mo-notarize niini.
Ang petsa sa pagnotaryo mao kana ang basihan sa BIR kun kanus-a sila pwede maka impose of penalty kun madelatar ang pagbayad sa Capital Gain Tax og Documentary Stamp Tax. Busa after sa notarization, kinahanglan nga bayran dayon ang obligasyon niini sa BIR to avoid penalty. Thank you and God Bless.
Atty. Divine
* * *
Alang sa inyong pangutana palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.