Milapas ang kasikbit sa yuta

Dear Atty. Divine,

Duna koy pangutana labot sa among kasikbit nga milapas sa among property.

Kining yutaa napalit ni sa akong mga ginikanan dugay na. Wala kini titulo apan aduna kami tax declaration nga nakapangan na sa akong papa ug mama. Apan ang tupad sa among yuta, milapas man sa iyang boundary ug iya mang giapil og occupy ang portion sa among property ug ila kining gipangtamnan og kahoy.

Unsay among buhaton aron makuha namo pagbalik ang portion nga ilang gitamnan og kahoy? Daghang salamat.

Lauro

* * *

Dear Lauro,

Aron pag-settle sa inyong boundary dispute, mas maayo nga inyong ipa-survey ang inyong luna ug inyong pahibaw-on ang kasikbik alang sa maong survey.

Mas maayo nga makatambong sila atol sa pag-survey aron makakita ug asa gyud ang mga utlanan sa inyong yuta. Human sa maong survey kun makompirmar nga kabahin gyud sa inyong yuta ang gi-occupy sa inyong kasikbit then mamahimo kini ninyong kuhaon sa pagbalik.

Kun dili sila mosugot then mamahimo kamo nga mopasaka og reklamo sa barangay aron didto kamo mag-areglo. Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.