Sa inanay

Kadaghanan nagtuo nga dihadiha manghilabot ang yawa sa atong tawhanong kinabuhi ug mohimo dayon sa hinanaling pagsamok ug pagbanhig  Hinunoa atong hinumdoman nga sama Gubat sa Troy ang yawa maro kaayo ug hanas kaayo sa pagpangita sa hustong panahawon kanus-a siya magsamok ug manghilabot. Usahay sa mga higayon nga wala nato damha ug paabota.

Sa unsa mang paagi?

1. Maanad kita sa naandang pagkinabuhi sa sala.

2. Pagasugnoran ang atong pagbati uga dili makiangayon.

3. Gihimong maanad kita sa atong mga naandang buhat nga dili makatarunganon ug daw nabati nato nga wala kitay silot nga nasinati hinunoa, atong nasinati ang panalangin nga dili tinuod.

4. Abunda ang atong kinabuhi ug daw ang nibulig ang panahon alang kanato bisan pa man kun kini nagasabot nga halayo na kita sa Ginoo.

Apan sa kaulahian atong masinati nga kita abunda apan dili malipayon, Kita mahimong gamhanan ug inila apan dili malipayon.

Mahimong anaa na kanato ang tanan apan wala kitay katagbawan. Ang atong kakawangan maoy modala kanato ngadto sa espirituhanong pag-antos nga makapaluya kanato.

Kining maong kahimtang sinugdanan sa lain pang mga kadaut nga yawan-on.

Mao nga sa sinugdanan pa lang daan, kita kinahanglang magmatngon.