Kun Sakmiton na sa Yawa ang atong Kalinaw
Dunay tulo ka mga pamaagi nga gihimo ang yawa aron pagasakmiton ang atong kalinaw. Naglangkob kini ning mosunod:
1. Pagmahay sa atong Kagahapon
Atong hinumdoman nga ang atong kagahapon dili man usa ka life sentence hinunoa kahigayonan aron magkat-on kita ug motubo human ning maong hitabo.
Matud pa nga bisan gani ang mga pinakadautan ug ang pinakamasalaypon mamahimong mga santos sa umaabot matud pa ni San Agustin nga naghisgot ning maong panahom segun sa iyang personal nga kasinatian.
Ganoyon kita sa Espiritu sa kawalay paglaum, ug kasub-anan hangtud nga mahikalimot kita nga dunay grasya ug pasaylo ang Dios nga gitagana alang kanato.
2. Kalisang sa Umaabot
Nahikalimot kita sa buhing kamatuoran nga Maamomahon ang Dios. Sa maong pag-amoma iyang gisud-ong ang atong kahimtang.
Bisan gani ug wala pa kita makabungat sa atong mga tinguha sayud naman siyang daan niini. Diha sa atong paningkamot ug panlimbasog aron ihatag ang atong inadlaw nga panginahanglan ang tanan atong isang-at sa makinaadmanong laraw sa Dios.
Atong hinumdoman nga ang ugma adunay iyang kaugalingong kabalaka. Ang atong mga hukom sa kasamtangan mao man ang mohulma sa atong ugma.
3. Kawalay Pasalamat sa Kasamtangan
Mahinungdanon ang karon ug kay mahinungdanon man ato gyud kining atimanon, ingon man saulogon. Kausa lamang kita moagi ning kinabuhia busa angayan lamang nga atong himoon ang maayo sanglit ang paghimo og maayo mao man ang bugtong paagi sa paggamit sa atong kagawasan.
Kuyog sa mga anghel nga magbalantay nga nagmatinud-anon sa Dios nga ilang magbubuhat, kita pud unta mosunod sa ilang mga sanglitanan aron sama kanila ang atong pagkakita makahimaya sa Dios nga atong Magbubuhat.