Kanhi Department of Educcation (DepEd) Undersecretary Gloria-Jumamil-Mercado tigulang na man unta, pero padayon gihapong nakig-abin sa mga hinanib sa kangitngit.
Dihang gisukitsukit siya sa Kongeso bahin sa DepEd, diin didto pa siya mag-alagad, mitug-an nga makadawat kuno siyag sobre kada bulan gikan sa OVP ug wala gyod kuno niya ukbi ug hilabti hangtod nahimo na kining siyam ka sobre nga iya lang gipanulod sa usa ka pouch. Ug sulod ning maong gdugayon diin diha na niya ablihi, nahibaw-an nga P50K diay ang sulod matag sobre.
Kaklaro uroy niiining bakaka! Naa kay nadawat sobre nga para imoha, unya wala g'yud ka maintriga pag-abli niini? Buwahan, imong masayran unsay sulod?
Unya naabot pa g'yud og siyam ka bulan nga sige ka'g kadawat, gibaliwala lamang gihapon nimo kini? Pagkaguwatsinangga g'yud nimo, Gloria, uy!
Nasayod ka ba nga si Inday higpit modala'g budget? Maningkamot walay mausik bisan usa ka sentimo sa salapi sa katawhan nga maoy gigamit alang sa iyang mga dalayegong programa-proyekto, hinungdan nahimong walay utang ang Davao City niadtong siya ang mayor?
Sa usa ka press conference, atubangan sa nagkalainlaing reporter si Vice President Sara ‘Inday’ Z. Duterte mitug-an. Dili tinuod ang gisulti ni Gloria. Gani, si Inday mismo ang misibak ni Undersectary Gloria sa DepEd tungod kay naka-two hits na kini niya.
Una, sa kasong ‘loss of trust and confidence human mi-solicit og P16M ngadto sa usa ka kompaniya gamit ang pangalan ni Inday ug Office of the Vice President nga wala gyoy pagtugot ni Inday.
Ikaduha, tungod sa titser nga nagtrabaho sa field, kinsa misumbong nga biktima usab sa pagkakorap ni Gloria. Ug adunay gihuptang mga lehitimong dokumento si Inday nga momatuod niining tanan.
Sa Kongreso, makita sa mga miimbestigar nga gaan ilang buot ngadto ni Gloria bisag sa hitsura ug tinubagan moluta ang pagkabakakon niini. Unya daw giyahan pa nila og mga pangutana, nga ang mga tumotumong tubag moduot pagsamot sa kulatadong Inday, kinsa hagbay ra nilang giplanohang ipa-impeach!
Maong daghan nang gisakitan ug dili na motawag nilang mga kongresista og ‘Honorable.’ Kay kanus-a ba nahimong honorable ang mga imbestigador nga migamit og resource person-whistle blower, kinsa sama nila, korap usab?