Dear Atty. Divine,
Ang akong anak nga minor de edad, co-owner sa property nga among na-inherit sa iyang amahan nga namatay. Na-transfer na namo ang properties sa among pangan sa akong anak. Apan tungod sa panginahanglan, nakadesisyon ko nga among ibaligya ang usa namo ka property alang sa among sustenance ug sa iyang pag-eskwela. Ang akong pangutana kun makapirma ba siya sa Deed of Absolute Sale nga 16 anyos pa man siya? Daghang salamat.
Lorena
* * *
Dear Lorena,
Basi sa atong Civil Code, ang minor de edad dili mamahimo nga makapirma og bisan unsa nga kontrata ug kasabutan lakip na ang pagpirma og Deed of Absolute Sale kay wa siyay legal capacity. Kana maoy nalatid sa Aricle 1327 sa Civil Code nga nagkanayon:“unemancipated minors and insane or demented persons, and deaf-mutes who do not know how to write cannot give consent to a contract.” Busa kun imong ibaligya ang inyong property, ikaw isip iyang inahan maoy iyang natural guardian ug maoy mi-represent kaniya sa pagpirma sa Deed og Absolute Sale. Thank you and God Bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.