Dear Atty. Divine,
Sa sunod buwan mo-edad na ako og 60 anyos busa usa na ako ka senior citizen. Ang akong nahibaw-an nga kun senior citizen na ta, makakuha na ta og discount sa mga tambal ug sa mga palaliton basta naa lang tay ikapakita nga Senior Citizen ID.
Ang akong pangutana, unsa may laing mga benepisyo sa usa ka senior citizen? Daghang salamat. -- Greg
Dear Greg,
Basi sa Section 4 sa Republic Act No. 7432, as amended by Republic Act No. 9257 kon Expanded Senior Citizens Act of 2003, ang mga pribilihiyo sa mga senior citizen naglakip ning mosunod: (1)20% discount og exemption sa value added tax if applicable sa mga goods and services sa mga establisamiento, (2) Discount sa mga tambal lakip na sa services sa mga doctor, (3) Discount sa pletihan sa mga bus, PUJ’s, taxi, shuttle buses, LRT, MRT ug uban pang mga pampublikong sakyanan, (4) Discount sa pletihan sa mga domestic nga eroplano og mga barko. (5) Discount sa mga hotels og sa mga restaurants, (6) Libre sa mga sinehan, mga concert, circuses, ug amusement, (7) 5% discount sa water ug electric bill basta naka rehistro kini sa senior citizen, (free medical og dental services, diagnostics ug laboratory fees sama sa x-rays, ct scans, ug blood test sa tanang government facilities, (9) makadawat sab ang ubang senior citizen og financial assistance gikan sa DSWD ug (10) ang ubang lokal nga kagamhanan aduna say gigahin nga pundo alang sa financial assistance sa mga senior citizen matag buwan sama sa Cebu City, ug uban pang mga benepisyo. Thank you and God bless.
Atty. Divine
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.