Dear Atty. Divine,
Ang among ginikanan nangutang sa bangko kay ilang gipuhunan sa negosyo. Ang among balay og yuta ang gihimo nilang collateral. Apan ang negosyo sa among mga ginikanan wa molungtad og dugay tungod sa bisyo sa akong amahan nga sugarol. Karon ang bangko nagsige na og padala og notice tungod sa pagkapakyas nilang papa sa pagbayad sa loan. Ang akong pangutana kun unsay mahitabo kun di gyud mabayran sa among mga ginikanan ang ilang loan sa bangko? Daghang salamat.
Joseph
* * *
Dear Joseph,
Kun di gyud mabayran sa imong mga ginikanan ang ilang loan sa bangko then mamahimong i-foreclose o embarguhon sa bangko ang inyong house and lot nga gihimong collateral sa maong utang. Kun ma-embargo na sa bangko ang property then ila kining ipa public auction. Ug kun aduna nay makapalit niini, aduna kamoy usa ka tuig sa paglukat sa property pinaagi sa pagbayad sa utang. Kun mapakyas mo sa pagbayad niini within one-year nga redemption period then hingpit nang maangkon sa buyer ang inyong property. Busa mas maayo nga inyong pangitaan og paagi aron dili ma foreclose sa bangko ang inyong property.
Thank you and God Bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.