Dear Atty. Divine,
Ang akong mga ginikanan namatay na og aduna mi na-inherit nga yuta gikan kanila.
Upat mi ka magsuon. Ang duha gustong ibaligya ang property aron bahinon ang halin, samtang duha sab mi nga di mosugot nga ibaligya kay kabilin lagi sa among ginikanan dapat namo nga i-preserve isip handumanan sa ilang kahago kaniadto.
Ang akong pangutana kun unsaon man ni namo pagsulbad problemaha? Daghang salamat.
Loia
* * *
Dear Loia,
Kun di gyud mo magkauyon sa inyong mga desisyon then mas maayo nga inyo nalang bahinon ang property.
Inyong ipa-survey then ipa-subdivide og kaupat aron patas ang gidak-on sa inyong share.
Once nabahin-bahin na ninyo ang property, kadtong gusto mobaligya sa ilang share mamahimo kini niyang buhaton, samtang kadtong heirs nga gustong i-preserve ang kabilin sa inyong ginikanan then iyang i-keep ang property.
Ang ubang heirs dili makadiktar sa uban kun unsay angayan nilang buhaton sa iyang share sa yuta kay katungod man kana sa tag-iya kun iyang ibaligya ang iyang property. Thank you and God bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.