Service charge sa restaurant
Dear Atty. Divine,
Nagtrabaho ko karon sa usa ka restaurant sa mall. Og sama sa ubang restaurant, aduna mi makolekta nga service charge.
Matud pa sa akong mga kauban sa trabaho nga bahinon daw sa mga empliyado ang service charge. Ang akong pangutana kon tinuod ba nga adto mapunta sa mga empliyado ang service charge sa restaurant? Daghang salamat.
Roger
* * *
Dear Roger,
Yes, kamong mga empliyado ang magbahin sa service charges sa inyong restaurant. Kini basi sa Republic Act 11360 nga nag-amendar sa Article 96 sa Presidential Decree 442. Matud pa sa maong balaod nga ang service charges kinahanglan nga idistribute equally sa mga qualified employees except sa managerial employees.
Basi usab sa Implementing Rules and Regulations kon IRR sa RA 11360, ang mga covered workers naglakip sa tanang empliyado sa restaurant or hotel regardless sa ilang position, designation og employment status gawas lang sa mga nagkupot og managerial position.
Busa ikaw bisan kon bag-o lang nadawat sa trabaho maapil ka sa bahin sa service charges gawas lang kon ikaw nagkupot og managerial position. Ang shares sa service charge bahinon kini sa mga empliyado every two weeks or twice a month. Thank you and God bless.
Atty. Divine
* * *
Alang sa inyong pangutana palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.
- Latest
