Nganong nalisang man kamo?

Maayong Balita

Kasagaran sa mga tinun-an sa atong Ginoo mga hanas labina kun maghisgot kita og panagat. Apan ang maong kahanas wala makapiog sa gibati nilang kalisang sa dihang nidagko ang mga balud.

Nabutang sila sa kakuyaw! Usa kanila ang nangahas sa pagduol kang Jesus nga nakatulog didto sa may ulin. “Magtutudlo wala ka ba mabalaka nga hapit naman kita malunod?”

Kasinatian

Ang mga balod mahimong sabton nato ingon nga mga pagsulay, ug suliran. Sa maong mga suliran daghanan nato ang nalisang, nalibog ug nabalaka kun unsaon man nato pagsagubang niini.

Daghan nato ang mahadlok mangalumos diha sa kaguol. Apan atong pamalandongan ug himoong hagit ang pangutana sa atong Ginoo ngadto sa iyang mga tinun-an: “Nganong malisang man kamo? Wala ba kamoy pagsalig?”

Lihok

Sa matag higayon nga kita mosinati og tumang kaguol, suliran ug mga pagsulay atong hunahunaon nga anaa ang Ginoo sa atong atubangan.

Mo pokus kita kaniya sanglit sa Mas Dako ang atong Ginoo kaysa atong mga suliran! Mas labaw siya sa atong mga kabalaka! Atong lig-onon ang atong pagsalig ngadto  kaniya.

Pangamuyo

Ginoo, Nagasalig kami kanimo! ayaw kami pasagdi, lig-ona kami! (3x) Amen!