Pagpamalandong sa Malangkubong kaayohan

Ang pagdawat sa mga pasyente nga nagkinahanglan ogkalingkawasan ug eksorsismo

Dunay nangutana nako kabahin sa proseso sa pagdawat pananglit kun dunay nagkinahanglan og tabang espirituwal. Ako silang giingnan nga sundon lamang kining mga proseso.

Ako kining gikutlo sa libro ni Fr. Paolo Carlin: An Exorcist Explains how to Heal the Possessed and Help Souls suffering Spiritual Crises pp. 125-130.

Kining maong mga sugyot kinahanglanon kaayo aron mahatagan og igong pagtagad ang kahimtang sa biktima. Kini naglangkob ning mosunod:

1.Paminaw uban ang amahanong pagbati. Mas sayon ang paghatag sa panalangin kaysa paghatag og pagpasabot. Himoang kalma ang pasyente ug ipasinati kaniya nga duna kay pagtagad o pagpakabana sa iyang kahimtang.

2. Dasiga ang pasyente nga dili tanang suliran nga iyang nasinati ato gyud dayong ipasangil sa demonyo.

3. Pasidan-i ang biktima ingon man ang iyang pamilya nga dili maayong mobasa, motan-aw o maminaw sa mga basahon, video, programa nga naghisgot sa mga paranormal ug sa mga kamatuoran nga wala niya kinahanglana sa iyang pagtubo.

Labina kun ang mga tinubdan niini tataw kaayo nga gipangwartahan o gipahimuslan lamang sila.

4.Pahimangnoi sila nga dili maayong moduol niadtong mga occult practioners nga kuno motudlo kanila nga mohatag og mga dili kasarangang gahum, sanglit mamahimo man kining dalan ug ganghaan sa diabolic influence sa ilang kinabuhi. Dad-a sila ngadto sa eksorsista ingon man daniha sila aron magpaduol ngadto sa mga sakramento.

5. Tudloi sila ginamit ang balaang kasulatan ingon man ang Tradisyon sa Simbahan sa pag-ila kun sa unsang paagi naglihok ang yawa diha sa atong kinabuhing Kristohanon.

6. Ginamit ang katesismo sa Simbahang Katoliko kun Catechism of the Catholic Church tudloi sila nga pagbansay sa magick, patuo tuo ingon man Satanismo usa ka dakong Supak sa Pagtulon-an Sa Simbahan.

7.  Ipadayag ang panlimbong sa yawa diha sa iyang pagpatuo nga siya wala o dili tinuod.

8. Ang pag-ampo sa panalangin sa Padre Kura kinahanglang dili ihikaw ni bisan kinsa. Panalangini ang mga tawo nga nagkinahanglan niini.