Gihulagway nga i-post sa Facebook ang eskandalosong video

Dear Atty. Divine,

Ang akong cellphone nahulog ug napunitan kini sa akong amiga. Instead nga iyang iuli nako ang cellphone didto kini niya gihatag sa akong ex-boyfriend nga iya sab suod nga higala.

Gusto na nakong kuhaon ang akong cellphone apan di kini niya ihatag sa akong ex-boyfriend gawas lang kun makigbalik ko kaniya. Nabuksan sa akong boyfriend ang maong cellphone busa iyang nakita ang naka save niini nga mga video ug pictures. Mihulga pa siya nga i-post sa Facebook ang among video nga very personal and private kun dili ko makigbalik kaniya. Unsay akong buhaton?

Che

* * *

Dear Che,

Mamahimo kang mopasaka og reklamo  ngadto sa barangay batok sa imong kanhi boyfriend nga nagdumili sa pag-uli sa imong cellphone. Kun iya kining ibalewala mamahimo ka nga modangop og abogado aron mapadad-an og demand letter ang imong kanhi hinigugma sa pag-uli kanimo sa imong cellphone.

Apan kun pananglit tinud-on gyud niya ang pag-post sa inyong video, then, mamahimo nimo siyang pasakaan og kasong kalapasan sa  Republic Act 9995  or Anti-Photo and Video Voyeurism Act of 2009 kay usa ka kalapasan sa maong balaod ang pagpost sa maong video basi sa Section 4 (d) sa maong balaod. Thank you and God Bless. -- Atty. Divine

* * *

Alang sa inyong pangutana, palihug lang sa pag-email sa [email protected] og akong tubagon ang inyong pangutana, pinaagi sa akong column matag Miyerkules, Sabado og Domingo ug akong tubagon ang inyong pangutana pinaagi sa akong column matag Miyerkules, Sabado og Domingo.