Sa akong kasinatian isip eksorsista adunay mga butang nga akong nakat-onan sa akong pagbansay ning maong pangalagad.
Mga butang nga nakahatag kanako og bag-ong pagtulon-an. Mga butang nga nakapaaghat kanako sa pagkat-on og mga bag-ong kinaadman ug kahibalo. Sa laing bahin, nakapaalinggat sa kamatuoran nga ning maong matang sa pangalagad daghan pa gyud diay kong angayan nga kat-onan.
Usa na niini mao man ang dili pagkumpiyansa bisan pa man kun ang pasyente nipakita na og kaayohan gikan sa iyang kahimtang.
Kay mahimong ang maong kahimtang usa lamang ka dakong pagpakaaron-ingon. Busa kinahanglamnon gyud ang makanunayong pagmatngon, ug hugtanong pamalandong.
Unsay buot ipasabot niini?
1. Una, kinahanglan himoon gyud ang malangkubong imbestigasyon aron matino kun unsa gyud ang ugat sa suliran.
2. Ikaduha, pagpaminaw sa mga panahom sa mga eksperto sama sa mga doctor ug psychiatrists.
3. Pagsinati sa pamilya ug sa biktima aron mas makalap pa ang mga mahinungdanong impormasyon kalabot sa iyang kahimtang. Lakip na niini ang iyang kasaysayan.
4. Ang pag-ampo sa hugtanon gayud aron matabangan ang tanang paningkamot sa grasya sa Dios.
Matud pa healing is not an overnight process alang sa biktima ingon man sa eksorsista kinahanglan ang pailob ingon man dakong pagtuo. Ang kaayohan sa masakiton dili usa ka achievement kondili kahimayaan sa Dios nga maoy tinubdan sa tanang kaayohan.