20th Anibersaryo sa PEHI

Ania ako karon sa kaulohan sugod Mayo 4 hangtod 7, 2024 kay apil sa libo kapin ka mga regular empleyado sa Phinma Education Holdings Incorporated (PEHI) nga nagsaulog sa iyang ika 20 ka tuig na sa negosyo sa edukasyon..

Ang PEHI kabahin sa Phinma Corporation nga usa ka Conglomerate ug misugod sa pagbobo sa iyang puhonan sa serbisyo sa edukasyon niadtong tuig 2004 dihang napalit niini ang Araullo University sa Nueva Ecija.

Karon ang PEHI aduna na kini gipanag-iya nga siyam ka mga universities ug colleges lukop nasud ug sa Indonesia nga mao ang Cagayan de Oro College, University of Pangasinan, University of Iloilo, Southwestern University dinhi sa dakbayan sa Sugbo, Saint Jude College sa Manila, Republican College in Quezon City, Rizal College ug Union College sa Laguna ug Horizon sa Karawang, West Java, Indonesia.

Sa milabay nga 20 ka tuig ang PEHI aduna na kini 150 ka libo nga tinun-an ug miabot na sa 1.5 bilyones ka pesos ang ginansiya niini.

Gibana-bana sa kadagkoan sa PEHI nga moabot sa duha ka milyon ang mga tinunan ug molagpas sa tulo ka bilyon ang maginansiya niini sa moabot nga lain pang 20 ka tuig.

Gipuntarya karon sa PEHI ang pagpalit og tunghaan sa Cambodia  Indonesia ug Vietnam.

Apan luyo sa pagdako sa PEHI may mga kalisdanan usab kining naagian. Leksiyon nga nakatonan niini mao ang pagkalugi niini og 100 ka milyon dolyares sa nasud sa. Myanmar.

Matud pa sa usa sa mga big boss nga ang usa ka milyon ka dolyar nga lugi igo na kining gastohon sa pagpatungha sa Harvard University sulod sa 12 ka tuig.

Akong dakong garbo ug pasalamat nga nahimo akong kabahin sa malamboon ug nagkahiganti nga edukador sa nasud ug sa ubang nasud sa kalibotan isip magtutudlo sa Southwestern University Phinma.

Happy 20th Anniversary Phinma Education Holdings Inc.